سهيت
ولقيتني
أمشي بطريق يملاه النور
وأرضه مفروشة زهور
بلون الحلم
وردي
وعبير الورد يغطي المكان
وويزيد روعته نسمة هواه..
وأتأمَّلْ جمال المكان
..
أحاول ألمس الورد
ويفوح
ويتبخر..
أحاول أشم ريحته
ما
لقيتها..
اختفت
مالها
أثر.!
تبعت السراب
يقوللي قريب
انتظري شوي
وبتلقيه
وأنا أمشي
وأمشي لين ظميت وتعبت
التفت
أدوِّر
وين
وين
كان توه قبالي
ينادي علي
زاد شوقي له من لمحته
وأصبر نفسي
شوي وأوصل
مابقى شي
ومشيت ...
مازدت الا ظما
وعطش..
و جلست على حافة هالطريق
أدور له نهاية
غمضت عيني
فرح
باللي راح
أشوفه
وأتخيل قلبي وفرحته
بيلقى ما تمنى
...
بدون ما أحس
نامت عيني
لالا مانمت
حلمت
بس ماكنت
نايمة
حلمت بذاكـ المكان
يمكن أوصله بكرا
أو بعد شهر
أو بعد
سنين
ما أدري!!
حلمت بيه
تأملت
الأرض
وتأملت السما..
ولمحت طيفكـ يمر
ويغيب..
ومالقيت نفسي
الا أبكي
وصحيت
ولمحت خيال يهرب مني
صرت أصيح
أنا وحدي
مالي مكان بها
الأرض
مالي مكان بقلب بشر..
بكيت حلمي الزهري
ونسيت قلبي المتمني
ونسيت الفرحة
..
وحل بقلبي الفزع
مين !
,ليش بحياتي
مالي وطن
ليش تايهة.
وأدوِّرْ...
وليش زماني تحول
!!
ليش ما عادت الفرحة تجيني
وكل مازاد عمري
لقيت الحزن يرافقني بحلي وترحالي ..
ليش كل ما لقيت الفرحة تقرب
ألقى همي يزيد..
وفرحتي تروح
و مع نسمات الهوى تتلاشى ..!
ليش كل مانويت أبتسم
وأعاند دنياي..
ألقاها تجبرني أحزن
..!
وتجبر بسمتي ترحل..
ضعفت
و كل ما ذكرت
همي
سال دمع عيني
على دنيا قست علي
وجارت..
تدمِّع عيني
خايفة
لا يجيني الفرح و يروح
..
ويروح حلم قلبي معاه ..
خايفة
لا أقضي الباقي من
عمري..
أحلم بفرحة قلبي المسكين
قلبي اللي ما
انرحم..
قسى على نفسه
لا يموت ,ولا ينجرح ..
أو يشوف الموت بعيون أحبابه ،،و لاَ يقدر
يساعد..
قلبي اللي عطا ..ما بخل
قلبي اللي وفا ..وعمره ما خان
..
تمنى الهنا..ولا لقي الا العنى والخسران
..
قسي على نفسه ..لجل يعيش..
ويتهنى بهنى أحبابه
يفرح لفرحهم
لو انعدمت
فرحته..
يحزن لهمَّهم
لو عصر الحزن
قلبهم..
قلبي اللي حبهم
ولجل عينهم
أبد ما خيب ظنهم ..
قلبي اللي حمل من حلمه السعادة
وزود فرحة قلبهم فرحة..
قلبي اللي تعذب
لجل يلمح راحة بعينهم..
قلبي اللي ذاب من بعدهم
وما تمنى سوى الخير لقلبهم ..
قسى
لجل يستحمل كل هالجفا
وكل هالألم
..
قلبي اللي غاب عن سما قلبهم
..
يرجع لجل يتطمن ويسمع أخبارهم..
ويرجع يغيب
سحابة صيف
تمر
وتروح
ولا لها أثر
بسماهم..
هذا قلبي
اللي من فرحهم يبتسم
ولهناهم ينام مرتاح ..
ولهمهم يسهر لياليه
يدعيلهم..
ربي يفرج همهم ..
ليتهم بس خلوه بيينهم
كان ما قصر كل لحظة يفداهم ..
وبكل عمره يعيش
يرعاهم..
كان خاف عليهم لا يمسهم سوء
و لا تدمع عينهم
..
ليتهم خلوه يعانق نبضهم
كان
عرفوه..
كان حبوه..
وما فكرو لحظة يفرطو
فيه..
عالأقل حزنو على فرقاه ..
كانو واسوه ولحزنه
نسوه
كانو آنسوه ..
بوحشة ليله
آووه..
ياليت
وياليت
وياليت
........
وياليت قلبي ما مال لهم ..
ياليت قلبي حب غيرهم
يمكن كانت سعادته هناكـ..
بعيد عنهم
..
عند غيرهم
حتى لو جرحوني
يمكن كنت أقدر أستغني عنهم ..
يمكن كنت لما باعوني
كنت بعتهم ..
ولا بكيت دم بعدهم
..
و مشيت بعيد عنهم
لا يحزن قلبي
فراقهم..
ولا عاد يتذكرهم..
كل ماخانته الدنيا
تذكر خيانة قلبهم..
..
حسيت بخدي دمعة حارة
تجري
فتحت عيني
ولقيت قلبي يهمس
ياليت قلبي ما حبهم
ياليت ما حبهم
ياليت قلبي ما
حبهم....!
